આ વીકમાં OTT પર મળશે ભરપુર મનોરંજન, હોરર ફિલ્મથી લઈ ઓહ માય ડોગ સુધીની ફિલ્મો થશે રિલીઝ

OTT Release This Week: ઓટીટી પર નવી ફિલ્મ અને વેબ સીરીઝ રિલીઝ થાય તેના માટે આ વખતે તમારે વીકેન્ડની રાહ જોવાની જરૂર નથી. કારણ કે આ વીકમાં સોમવારથી શનિવાર સુધીમાં ઓટીટી પર અલગ અલગ ફિલ્મો અને વેબ સિરીઝ રિલીઝ થવાની છે. સોમવારથી શનિવાર સુધીમાં કયા એટીટી પ્લેટફોર્મ પર કઈ ફિલ્મ કે વેબ સીરીઝ રિલીઝ થશે તેનું લીસ્ટ પણ સામે આવી ગયું છે. આ વીકમાં અલગ અલગ જોનરની ફિલ્મો ઓટીટી પર આવી રહી છે. તો ફટાફટ આ લિસ્ટ જોઈને તમે પણ નક્કી કરી લો કે તમે પહેલા કઈ ફિલ્મ કે સીરીઝ જોવાના છો.

પૂજા મેરી જાન

2 ઓક્ટોબરે ઝી5 પર પૂજા મેરી જાન ફિલ્મ રિલીઝ થવાની છે. આ ફિલ્મમાં મુખ્ય ભૂમિકામાં મૃણાલ ઠાકુર અને હુમા કુરેશી જોવા મળશે. પૂજા મેરી જાન ફિલ્મ એક મિસ્ટ્રી થ્રિલર ફિલ્મ છે. આ ફિલ્મનું નિર્દેશન નવજોત ગુલાટીએ કર્યું છે. જેમાં મુખ્ય ભૂમિકામાં કુરેશી અને મૃણાલ ઠાકોર જોવા મળશે જ્યારે ફિલ્મમાં વિક્રમ સિંહ ચૌહાણ, વિજય રાજ પણ મહત્વના રોલમાં દેખાશે.

ઈવિલ ડેડ બર્ન

હોરર ફ્રેન્ચાઇઝ ઇવિલ ડેડની છઠ્ઠી ફિલ્મ ઈવિલ ડેડ બર્ન ઝી5 પર રિલીઝ થવાની છે. આ ફિલ્મ 2 ઓક્ટોબરે ઝી5 પર સ્ટ્રીમ થશે. જો તમને હોરર ફિલ્મો જોવાનો શોખ છે તો આ ફિલ્મ અચૂક જુઓ. પરંતુ જો તમે કઠણ કાળજાંના હોય તો જ આ ફિલ્મ જોવી કારણકે ફિલ્મમાં ખૂબ જ ભયંકર દ્રશ્યો દેખાડવામાં આવ્યા છે.

ઓહ માય ડોગ

ડોગ લવર્સ માટે એક સ્પેશિયલ ફિલ્મ આ વીકમાં ઓટીટી પર આવી રહી છે. જો તમે ડોગ લવર છો તો આ ફિલ્મ તમને ઈમોશનલ કરી દેશે. આ ફિલ્મ છે ઓહ માય ડોગ. આ ફિલ્મ 2 ઓક્ટોબરે જિયો હોટસ્ટાર પર રિલીઝ થવાની છે. આ ફિલ્મને થિયેટર્સમાં પણ લોકોએ પસંદ કરી હતી અને હવે ઓટીટી પ્લેટફોર્મ પર આ ફિલ્મ સ્ટ્રીમ થશે.

દુપહીયા સીઝન 2

પ્રાઈમ વિડીયો પર 1 ઓક્ટોબરથી દુપહીયા સીઝન ટુ વેબ સિરીઝ સ્ટ્રીમ થશે. દુપહીયાની પહેલી સીઝન પણ ખૂબ જ હીટ રહી હતી. આ સિરીઝ કોમેડી સિરીઝ છે. હવે પ્રાઇમ વીડિયો પર 1 ઓક્ટોબરથી દુપહિયાની બીજી સિઝન જોવા મળશે.