"25-50 લાખ વાપરું તો ચૂંટણી બિનહરીફ થઈ જાય", પબુભા માણેકનો કથિત વિડિયો વાયરલ, ગુજરાતના રાજકારણમાં ગરમાવો

જયદીપ લાખાણી/દેવભૂમિ દ્વારકા: દ્વારકા વિધાનસભા બેઠકના સિનિયર ધારાસભ્ય પબુભા માણેકનું એક કથિત નિવેદન આપતો વિડિયો હાલ સોશિયલ મીડિયા પર આગની જેમ વાયરલ થઈ રહ્યો છે. આ વિડિયોમાં ચૂંટણીના માહોલ, ઉમેદવારો અને ચૂંટણી ખર્ચ અંગે કરાયેલી ટિપ્પણીઓને કારણે રાજકીય વર્તુળોમાં ભારે ચકચાર મચી ગઈ છે.

   ગોઝારો બુધવાર! ગીર સોમનાથ નજીક ST બસ અને ટ્રક વચ્ચે ભયાનક અકસ્માત: 2નાં મોત, 16 ઈજાગ્રસ્ત

"ચૂંટણીનો માહોલ આપણે જ બનાવવો પડશે, હવે ચૂંટણી જેવું કઈ છે જ નહીં."
સોશિયલ મીડિયામાં વાયરલ થયેલા વિડિયોમાં પબુભા માણેક એવું કહેતા સાંભળવા મળે છે કે, "ચૂંટણીનો માહોલ આપણે જ બનાવવો પડશે, હવે ચૂંટણી જેવું કઈ છે જ નહીં." આ સાથે ઓખામાં સ્થાનિક ચૂંટણી કે ઉમેદવારી સંદર્ભે વાત કરતા તેમણે ઉમેદવાર ન મળવાની સ્થિતિમાં પોતે ઉમેદવાર શોધી આપવાની વાત પણ કરી હતી.

"હું ખાલી ધારી લઉં અને પચીસ-પચાસ લાખ રૂપિયા વાપરું તો ચૂંટણી બિનહરીફ થઈ જાય."
વિડિયોમાં વધુમાં વિવાદાસ્પદ નિવેદન આપતા તેમણે નાણાકીય બાબતોનો ઉલ્લેખ કર્યો હતો કે, "બે-પાંચ જણાને દસ-દસ હજાર દઈને ફોર્મ ભરાવીએ." એટલું જ નહીં, તેમણે દાવો કર્યો હતો કે, "હું ખાલી ધારી લઉં અને પચીસ-પચાસ લાખ રૂપિયા વાપરું તો ચૂંટણી બિનહરીફ થઈ જાય.

   આમ આદમી પાર્ટી બનાવવાની જરૂર કેમ પડી? અરવિંદ કેજરીવાલે હવે કર્યો મોટો ખુલાસો

પબુભા માણેકના આ પ્રકારના બેધડક અને કથિત નિવેદનને લઈને હાલ સ્થાનિક રાજકારણમાં ગરમાવો આવી ગયો છે અને આ વિડિયો ભારે ચર્ચાનો વિષય બન્યો છે.