૪૪માંથી ૪૪ બેઠકો પર ભગવો લહેરાવવાનો ટાર્ગેટ: ગાંધીનગરમાં ભાજપનું હાઈ-વોલ્ટેજ માઇક્રો મેનેજમેન્ટ!

Gandhinagar Municipal Corporation Election: ગાંધીનગર મનપાની ચૂંટણીમાં ભાજપે 44માંથી 44 બેઠકો જીતવાનો લક્ષ્યાંક જાહેર કર્યો છે. આ લક્ષ્યાંકને હાંસલ કરવા માટે 11 વોર્ડનું અલગ-અલગ સ્તરે પ્લાનિંગ કરવામાં આવ્યું છે. જ્ઞાતિગત સમીકરણ હોય કે ભૌગોલિક સમીકરણ. જે વિસ્તારમાં જે સમાજનું પ્રભુત્વ હોય, ત્યાં તે મુજબ બેઠકો અને સંપર્ક કાર્યક્રમો યોજવાની રણનીતિ તૈયાર કરવામાં આવી છે.

જ્ઞાતિગત સમીકરણ હોય કે ભૌગોલિક સમીકરણ

ભાજપના આ પ્લાનમાં માત્ર સ્થાનિક નેતાઓ જ નહીં. સાંસદો અને ધારાસભ્યો સહિત સિનિયર નેતાઓને પણ પ્રચારની જવાબદારી સોંપવામાં આવી છે. રોજની 11થી વધુ નાની ગ્રુપ મીટિંગો યોજવાની તૈયારી છે. સોસાયટી, ફ્લેટ, ગ્રામ્ય વિસ્તાર, મતદારો સુધી સીધો સંપર્ક કરવા માટે 50થી 60 જેટલા વક્તાઓની ટીમ પણ તૈયાર કરવામાં આવી હોવાનો ભાજપનો દાવો છે.

• સાંસદો અને ધારાસભ્યો, સિનિયર નેતાઓને પ્રચારની જવાબદારી
• રોજની 11થી વધુ નાની ગ્રુપ મીટિંગો યોજવાની તૈયારી છે

ચૂંટણી પ્રચારને માત્ર દિવસના કાર્યક્રમો સુધી મર્યાદિત ન રાખતા ભાજપે મોર્નિંગ વોક કેમ્પેઇન પણ ગોઠવ્યું છે. સવારે ગાર્ડનમાં મતદારો સાથે સીધો સંપર્ક તો બીજી તરફ મહિલા મોરચો, યુવા મોરચો અને બક્ષીપંચ મોરચા સહિત સાત મોરચાને મેદાનમાં ઉતારવાની તૈયારી છે. ખાસ કરીને નવા અને યુવા મતદારો સુધી પહોંચવાની જવાબદારી યુવા મોરચાને સોંપાઈ છે.

• ભાજપે મોર્નિંગ વોક કેમ્પેઇન ગોઠવ્યું છે
• સવારે ગાર્ડનમાં મતદારો સાથે સીધો સંપર્ક

હવે વાત સૌથી મહત્વના માઇક્રો મેનેજમેન્ટની. સોસાયટીના ચેરમેનથી લઈને સેક્રેટરી અને સિક્યુરિટી ગાર્ડ્સ સુધી સંપર્ક. મતદાનના દિવસ સુધી સતત ફોલોઅપ...આ ઉપરાંત સામાજિક સંસ્થાઓ અને આગેવાનોના સહયોગથી મતદાન વધારવા માટે કોલ સેન્ટરની વ્યવસ્થા કરવાનો પ્લાન પણ છે.

સોસાયટીના ચેરમેનથી લઈ સેક્રેટરી, સિક્યુરિટી ગાર્ડ્સ સુધી સંપર્ક

.ભાજપ પોતાના પ્રચારમાં ગાંધીનગરમાં થયેલા વિકાસ કાર્યો, મેટ્રો ટ્રેન સહિતની યોજનાઓને પણ મુખ્ય મુદ્દા બનાવવાની વાત કરી રહ્યું છે.એટલે એક તરફ 44માંથી 44નું લક્ષ્ય અને બીજી તરફ દરેક વોર્ડ, દરેક વિસ્તાર અને દરેક મતદાર સુધી પહોંચવાનો પ્રયાસ. હવે સવાલ એ છે કે. ભાજપનું આ માઇક્રો પ્લાનિંગ મતદાનના દિવસે કેટલું અસરકારક સાબિત થાય છે?...

માઇક્રો પ્લાનિંગ મતદાનના દિવસે કેટલું અસરકારક સાબિત થશે?

શું 44માંથી 44 બેઠકો જીતવાનો ભાજપનો લક્ષ્યાંક વાસ્તવિક પરિણામમાં બદલાય છે?. ગાંધીનગરની જનતા આ ચૂંટણીમાં શું જનાદેશ આપે છે. તેનો જવાબ ચૂંટણીના પરિણામોમાં જ મળશે કે ભાજપનો લક્ષ્યાંક વાસ્તવિક પરિણામમાં બદલાય છે?