 "બોસે તાબડતોબ કર્મચારીઓને ઈમરજન્સી મીટિંગ માટે ભેગા કર્યા અને પછી જે સરપ્રાઈઝ આપ્યું....જુઓ Video")
યુઈએની એક કંપનીનો વીડિયો વાયરલ થયો છે જેને જોઈને તમારું પણ મન ખુશ થઈ જશે. વાત જાણે એમ છે કે યુએઈની એક કંપનીમાં બોસે અચાનક એક મીટિંગ બોલાવી. સામાન્ય રીતે આમ કોઈ મીટિંગ બોલાવવામાં આવે તો કર્મચારીઓના પેટમાં ફાળ પડતી હોય છે. કર્મચારીઓને કંપનીમાં એક રૂમમાં બોલાવવામાં આવ્યા. તે વખતે કદાચ કોઈને એવો અંદાજ પણ નહીં હોય કે તેમની સાથે શું થવાનું છે.
રૂમમાં જ્યારે બેઠક થઈ તો ટેબલ પર કર્મચારીઓ માટે ગિફ્ટના પેકેટ પડ્યા હતા. કર્મચારીઓ તો આ જોઈને દંગ રહી ગયા. બધા આશ્ચર્યચકિત પામી ગયા. ત્યારબાદ કર્મચારીઓએ વારાફરતી પોતાની ગિફ્ટ લીધી અને પેકેટ ખોલવા માંડ્યા. કર્મચારીઓએ જેવા પેકેટ ખોલવા માંડ્યા કે તેમના હાથમાં ચોકલેટ આવી. ચોકલેટ જોઈને પહેલા તો કેટલાકના મોઢા વિલા થઈ ગયા પરંતુ હજુ તો પિક્ચર બાકી હતું.
ગિફ્ટમાં શું મળ્યું
યુએઈની કંપનીનો જે વીડિયો વાયરલ થયો છે તેમાં જવા મળે છે કે કર્મચારીઓ પોતાની ગિફ્ટ ઉઠાવે છે. ત્યારે કેટલાક લોકો તે પેકેટ ખોલે છે તો તેમાંથી આઈફોન નીકળે છે. જે કર્મચારીઓને ગિફ્ટમાં ફોન મળે છે તેમના ચહેરા પર ખુશી છવાઈ જાય છે. જ્યારે કેટલાક કર્મચારીઓ એવા પણ હતા જેમના બોક્સમાંથી ચોકલેટ નીકળે છે. તે વખતે તમને એવું લાગ્યું હશે કે કદાચ તેમનું સરપ્રાઈઝ અહીં ખતમ થઈ ગયું. પરંતુ કંપનીએ અસલ ટ્વિસ્ટ તો હજુ બાકી રાખ્યું હતું. થોડીવાર બાદ કંપની મેનેજમેન્ટની ટીમ તરફથી વધુ એક સરપ્રાઈઝ આપવામાં આવે છે.
ચોકલેટવાળા લોકો માટે સરપ્રાઈઝ
વીડિયોમાં સૌથી મોટો ટ્વિસ્ટ ત્યારે આવે છે જ્યારે જે કર્મચારીઓને પહેલા ચોકલેટ આપવામાં આવી હતી તેમને પણ હવે આઈફોન મળે છે. ત્યારબાદ તો રૂમનો માહોલ જાણે બદલાઈ જાય છે. જે કર્મચારીઓના ચહેરા પર થોડીવાર પહેલા ચોકલેટ મળવાના કારણે હળવી નિરાશા જોવા મળી હતી તેમના ચહેરા હવે ખિલી જાય છે. જે રીતે બોસે તેમને સરપ્રાઈઝ આપીને આઈફોન ગિફ્ટ કર્યો તે કર્મચારીઓ માટે અસલ મજા હતી.
યુએઈની કંપનીનો છે વીડિયો
મીડિયા રિપોર્ટ મુજબ આ વીડિયો યુએઈની એક કંપની મેનપાવર કંપની વર્લ્ડ સ્ટાર મેનપાવરનો છે. કંપનીના ફાઉન્ડર નિષાદ હુસૈન અને તેમના પત્ની હસીના નિષાદ તરફથી આ વીડિયો શેર કરાયો છે. વીડિયોમાં ટેબલ પર અનેક પેકેટ પડેલા જોવા મળે છે. કર્મચારીઓ એક પછી એક પેકેટ ઉપાડે છે અને કોઈને આઈફોન તો કોઈને ચોકલેટ મળે છે. ચોકલેટ જેમને મળી તેમને બાદમાં આઈફોન પણ મળે છે.
બોસનો શું મેસેજ
વીડિયો સાથે હસીના નિષાદે કર્મચારીઓ માટે એક મોટો મેસેજ પણ શેર કર્યો. તેમણે ટીમની મહેનત, પોઝિટિવ સોચ અને મળીને કામ કરવાની ભાવનાને કંપનીની સફળતા માટે મહત્વનો હિસ્સો ગણવ્યો. તેમણે કર્મચારીઓને પોતાની ક્ષમતા પર ભરોસો રાખવાની, આગળ આવનારી તકોને અપનાવવાની અને એકબીજાને સાથ આપવા માટે પ્રોત્સાહિત કર્યા. તેમનું કહેવું હતું કે કંપનીની અસલ તાકાત તેમના લોકો છે અને ટીમ મળીને કોઈ પણ મોટી સિદ્ધિ મેળવી શકે છે. આ મેસેજ દર્શાવે છે કે કંપનીનો હેતુ ફક્ત મોંઘીદાટ ગિફ્ટ આપવાનો જ નહીં પરંતુ પોતાના કર્મચારીઓની મહેનતને બિરદાવવાનો અને જુસ્સો વધારવાનો હતો.
ગિફ્ટ આપવાની રીત સરપ્રાઈઝ લાગી
આ સમગ્ર વીડિયોમાં જો સૌથી વધુ કોઈ વાતે ધ્યાન ખેંચ્યુ હોય તો તે જે રીતે કર્મચારીઓને ગિફ્ટ આપવામાં આવી તે જોવા મળ્યું. સોશિયલ મીડિયા પર વાયરલ થયેલા આ વીડિયો વિશે લોકોનું એવું માનવું છે કે કર્મચારીઓને જો સીધે સીધી આઈફોનની ગિફ્ટ મળી હોત તો એટલું રસપ્રદ ન બન્યું હોત જેટલું ટ્વિસ્ટ આપીને આઈફોન અપાયો.
સોશિયલ મીડિયા પર શું બોલ્યા યૂઝર્સ
વીડિયો સામે આવ્યા બાદ સોશિયલ મીડિયા પર લોકોની પ્રતિક્રિયાઓ પણ સામે આવવા લાગી. અનેક યૂઝર્સે કંપનીના આ અંદાજના વખાણ કર્યા. કેટલાક લોકોને કર્મચારીઓના મોઢા પર જે ખુશી જોવા મળી તે ગમી. અનેક યૂઝર્સે મજાકમાં પોતાની કંપનીઓ અને બોસને ટેગ કરવાની કોશિશ કરી. કેટલાક લોકોએ કહ્યું કે આવા વીડિયો જોઈને પોતાના સીનિયર્સને પણ યાદ અપાવવું જોઈએ કે દુનિયામાં આવા પણ બોસ હોય છે.
Disclaimer: આ એક વાયરલ વીડિયો છે અને Z 24 કલાક તેની પુષ્ટિ કરતું નથી.
)