આ લોકોએ ભૂલીને પણ ન પીવી જોઈએ ચા, સ્વાસ્થ્ય પર પડી શકે છે માઠી અસર!

ભારતીય ઘરોમાં મોટા ભાગના લોકો દિવસની શરૂઆત ગરમ ચાની સાથે કરે છે. પરંતુ શું તમે જાણો છો કે ચાનું સેવન કેટલાક લોકો માટે નુકસાનકારક સાબિત થઈ શકે છે. ગેસ્ટ્રોલોજિસ્ટ શુભમ વત્સે જણાવ્યું કે ક્યા લોકોએ ચા પીવાથી બચવું જોઈએ અને વધુ ચા પીવાથી સ્વાસ્થ્યને ક્યા-ક્યા નુકસાન થઈ શકે છે.

ચા પીવાથી ક્યા નુકસાન થઈ શકે છે?
ચામાં રહેલ ટેનિન ચાને ડાર્ક કલર અને તેને સ્વાદમાં કડક બનાવે છે. આમ તો તે તત્કાલ એનર્જીને બૂસ્ટ કરે છે, પરંતુ થોડા સમય બાદ એટલું જ લો ડાઉન ફીલ કરાવી શકે છે. હકીકતમાં ચામાં રહેલું ટેનિન એન્ટી ઓક્સીડેન્ટ્સ હોય છે, પરંતુ તેનું વધુ સેવન કરવાથી ગેસ્ટ્રિક બેરિયર ઇરિટેટ થાય છે, જેનાથી એસિડિટી કે બળતરાનો અનુભવ થઈ શકે છે. તો ચામાં દૂધ અને સુગર મિક્સ કરો તો તેની કેલેરી અને સુગરની માત્રા વધી જાય છે, જે ઇંસુલિન સ્તરને પ્રભાવિત કરી શકે છે.

ક્યા લોકોએ ચા પીવાથી બચવું જોઈએ?
કેટલીક મેડિકલ સ્થિતિમાં ચાનું સેવન કરવાથી બચવું જોઈએ. ગેસ્ટ્રોએસોફેજિયલ રિફલક્સ ડિઝીસ એટલે કે GERD નો સામનો કરી રહેલા લોકોએ ખાસ કરી ગંભીર સ્થિતિમાં ચા પીવાથી બચવું જોઈએ. તો ગર્ભવતી મહિલાઓએ ચાનું સેવન સીમિત રાખવું જોઈએ, કારણ કે તેમાં રહેલું કેફીન પ્લેસેન્ટા દ્વારા બાળકો સુધી પહોંચી શકે છે. જો તમારા શરીરમાં આયરનની ઉણર છે ત્યારે પણ ચાનું સેવન ઓછું કરવાની સલાહ આપવામાં આવે છે. આ સિવાય જે લોકોમાં એંઝાયટી કે પેનિક એટેકની સમસ્યા છે તેણે કેફિનવાળી ચાનું સેવન કરવાથી બચવું જોઈએ.

શું છે ચા પીવાની યોગ્ય રીત?
જો તમને કોઈ મેડિકલ સ્થિતિ નથી તો તમે દરરોજ બે કપથી વધુ ચા ન પીવો. સારી ઊંઘ માટે સાંજે પાંચ વાગ્યા બાદ ચા ન પીવો. ચામાં રિફાઇન્ડ સુગરનો ઉપયોગ કરવાથી બચો. સવારે ઉઠી ખાલી પેટ ચા પીવાથી ગટ હેલ્થ પર અસર થઈ શકે છે. સવારે થોડો નાસ્તો કર્યાં બાદ ચાનું સેવન કરો. ચાને હેવી મીલ્સની સાથે ક્યારેય ન પીવો કારણ કે તે શરીરમાં આયરન, જિંક અને પ્રોટીન અવશોષણને બ્લોક કરી દે છે. જમવાના 45 મિનિટ પહેલા ચા પીવાથી બચો.