પાપ ગમે તેટલું શાતિર હોય, પણ લોહીના ડાઘ ક્યારેય છુપાતા નથી, ધબકારા વધારી દેશે આ ક્રાઈમ સ્ટોરી

 UP Police Investigation : આગ્રાના અછનેરા પોલીસ સ્ટેશન વિસ્તારનું આ છે કુકથલા ગામ. જ્યાં મંગળવારની કાળી રાત્રે લોકેન્દ્ર નામનો એક શખ્સ પોલીસ સ્ટેશન પહોંચે છે. લોકેન્દ્ર પોલીસ સામે કરગરે છે કે તેની પત્ની ચાંદની અચાનક ક્યાંક ગુમ થઈ ગઈ છે. પોલીસ હજુ તપાસ શરૂ કરે તે પહેલાં જ ચાંદનીના પિયર પક્ષના લોકો પણ ત્યાં દોડી આવે છે અને લોકેન્દ્ર સામે દીકરીને ગાયબ કરવાનો ગંભીર આક્ષેપ લગાવે છે. આ દરમિયાન બુધવારે સવારે પોલીસ જ્યારે તપાસ કરવા લોકેન્દ્રના ઘરે પહોંચે છે, ત્યારે ઘરની બહાર એક એવું દ્રશ્ય જોવા મળે છે જે પોલીસની શંકાને વહેમમાં બદલી નાખે છે.

પત્ની ગુમ...પતિ પહોંચ્યો પોલીસ સ્ટેશન!
ગુમશુદગીની ફરિયાદમાં છુપાયું હત્યાનું રહસ્ય
ઘરની રાખમાંથી ખુલ્યું હત્યાનું રહસ્ય
હાડકાં યમુનામાં…પતિની કરતૂતનો પર્દાફાશ
માસૂમ દીકરીએ ખોલ્યું મર્ડર મિસ્ટ્રીનું રહસ્ય

2 વર્ષની માસૂમ દીકરી ઘરની બહાર એક દુકાન પાસે એકલી રમતી મળી આવે છે. પોલીસ વિચારે છે કે જો માતા પોતાની મરજીથી ઘર છોડીને ગઈ હોય, તો ક્યારેય આટલી માસૂમ બાળકીને એકલી મૂકીને ન જાય! બસ, આ જ માસૂમની સ્થિતિએ આખી મર્ડર મિસ્ટ્રીનો પાયો નાખ્યો.

અંદર છુપાયેલો જલ્લાદ બહાર આવ્યો

પોલીસની શંકા વધુ ઘેરી બનતા તાત્કાલિક ઘટનાસ્થળે ફોરેન્સિક ટીમને બોલાવવામાં આવે છે. ઘરના પાછળના વાડામાં તપાસ કરતા પોલીસને રાખ અને કેટલાક શંકાસ્પદ અવશેષો મળી આવે છે. જે બાદ પોલીસે પતિ લોકેન્દ્રને કસ્ટડીમાં લીધો અને ખાખી વર્દીનો અસલી પાવર બતાવ્યો. કડકાઈથી થયેલી પૂછપરછમાં લોકેન્દ્ર તૂટી પડ્યો અને તેની અંદર છુપાયેલો જલ્લાદ બહાર આવ્યો.

પત્નીનો મોબાઈલ પણ દૂર ફેંકી દીધો

લોકેન્દ્રએ કબૂલાત કરી કે, મંગળવારે સાંજે જ તેણે ઘરેલુ કંકાસમાં પત્ની ચાંદનીની ગળું દબાવીને નિર્મમ હત્યા કરી નાખી હતી. ગુનો છુપાવવા માટે લાશને ઘરની પાછળ આવેલા વાડામાં સળગાવીને કોલસો બનાવી દીધી અને પુરાવાનો નાશ કરવા માટે તેના હાડકાં આગ્રા લઈ જઈ યમુના નદીમાં ફેંકી દીધાં હતાં! એટલું જ નહીં, પત્નીનો મોબાઈલ પણ દૂર ફેંકી દીધો જેથી કોઈ લોકેશન ટ્રેસ ન થઈ શકે.

પત્નીને રાખના ઢગલામાં ફેરવી દીધી

ચાર વર્ષ પહેલાં જેની સાથે સાત ફેરા લઈને સુખ-દુઃખમાં સાથે રહેવાના સોગંદ ખાધા હતા, એ જ પત્નીને રાખના ઢગલામાં ફેરવી દેનાર પાપી પતિ આજે જેલના સળિયા પાછળ ધકેલાઈ ગયો છે. પોલીસે પતિની નિશાનદેહી પરથી યમુના નદીના કિનારેથી હાડકાંના અવશેષો અને ચાંદનીનો મોબાઈલ ફોન કબજે કરી લીધો છે.

કાતિલ પતિએ ગુનો છુપાવવા માટે ફિલ્મી સ્ક્રિપ્ટ જેવી ચાલાકી વાપરી, પણ કુદરતના ન્યાય સામે તે હારી ગયો. આજે એક માતા દુનિયા છોડી ગઈ છે, પિતા જેલમાં સડશે અને 2 વર્ષની એ માસૂમ બાળકી કાયમ માટે અનાથ બની ગઈ છે.

કુદરતના અદ્રશ્ય ન્યાય સામે તે આખરે હારી ગયો

કાતિલ પતિએ ગુનો છુપાવવા માટે ફિલ્મી સ્ક્રિપ્ટ જેવી ચાલાકી વાપરી, પણ કુદરતના અદ્રશ્ય ન્યાય સામે તે આખરે હારી ગયો. પાપ ગમે તેટલું શાતિર હોય, પણ લોહીના ડાઘ ક્યારેય છુપાતા નથી.  આજે આ કાળજા કંપાવતી ઘટનામાં એક હસતો-રમતો પરિવાર સ્મશાન બની ગયો છે.