Kitchen Hacks: દાળ-શાકમાં ખટાશ માટે મોંઘા લીંબુને બદલે વાપરી શકાય તેવી પરંપરાગત ખાટી વસ્તુઓ વિશે જાણો

દેશી ટમેટા

દેશી ટમેટા સ્વાદમાં ખાટા હોય છે. દાળ અને શાકમાં દેશી ટમેટા ઉમેરવાથી તેમાં કુદરતી રીતે ખટાશ વધે છે. લીંબુનો સૌથી પહેલો સસ્તો વિકલ્પ દેશી ટમેટા છે. માર્કેટમાં હાઈબ્રીડ ટમેટાની સાથે દેશી ટમેટા પણ સરળતાથી મળી રહે છે. દેશી ટમેટાના ભાવ લીંબુ કરતાં ઓછા પણ છે.

આમલી

આમલીનો ઉપયોગ ફક્ત ચટણી બનાવવામાં જ નહીં દાળ-શાકમાં ખટાશ માટે પણ કરી શકો છો. રસોઈ શરુ કરો ત્યારે આમલીને થોડા પાણીમાં પલાળી દો. ત્યારબાદ હાથથી મસળી તેનો પલ્પ બનાવી તેનો ઉપયોગ કરો. આમલીના પલ્પને ગાળીને ઉપયોગમાં લેવો.

કોકમ

મોટાભાગે લોકો કોકમનો ઉપયોગ કોકમ શરબત માટે કરતાં હોય છે પણ તમે સૂકા કોકમનો ઉપયોગ રસોઈમાં ખટાશ માટે કરી શકો છો. કોકમને પણ પાણીમાં પલાળી તેને દાળ, શાકમાં ઉમેરી શકો છો. તેનાથી લીંબુ જેવી જ ખટાશ રસોઈમાં આવશે.

આમચૂર પાવડર

ખટાશ માટે આમચૂર પાવડર પણ રસોઈમાં યુઝ કરી શકાય છે. શાક કે દાળમાં આમચૂર પાવડર ઉમેરવાથી તેમાં લીંબુ જેવી જ ખટાશ આવશે.

વિનેગર

લીંબુનો પાંચમો વિકલ્પ વિનેગર છે. વિનેગર લીંબુની જેમજ ખાટું હોય છે. રસોઈમાં થોડી માત્રામાં વિનેગર ઉમેરી શકો છો. આ સિવાય દૂધ ફાડવામાં પણ લીંબુને બદલે વિનેગર યુઝ કરી શકો છો. વિનેગર શરબત, સલાડમાં પણ ઉમેરી શકાય છે. બસ તેની માત્રાનું ધ્યાન રાખવું. (Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)