Gold Price: સોનામાં કડાકો યથાવત રહ્યો! ઓલટાઈમ હાઈથી સોનું 28000 અને ચાંદી 1.65 લાખ રૂપિયા સસ્તા

સોના અને ચાંદી વર્ષની શરૂઆતમાં જાન્યુઆરીમાં ઓલટાઈમ હાઈ પર પહોંચી ગયા હતા. જો કે ત્યારબાદની વૈશ્વિક પરિસ્થિતિઓના પગલે ભાવમાં સતત ઉતાર ચડાવ જોવા મળ્યો. 10 ગ્રામ 24 કેરેટ સોનું અઠવાડિયાના છેલ્લા કારોબારી દિવસે 148138 રૂપિયા પર બંધ થયું હતું જ્યારે અઠવાડિયાની શરૂઆતમાં જ 1,48,040 રૂપિયા પર ખુલ્યું હતું. એટલે કે અપડાઉન સતત જોવા મળ્યા હતા. જ્યારે ચાંદીની વાત કરીએ તો ચાંદી સપ્તાહના પહેલા દિવસે 2,23,192 રૂપિયા પ્રતિ કિલો પર હતી અને છેલ્લા કારોબારી દિવસે 2,20,829 રૂપિયાના સ્તરે બંધ થઈ હતી. જો કે સપ્ટેમ્બર મહિનાની વાત કરીએ તો એક મહિનામાં ભાવમાં તોતિંગ ઘટાડો જોવા મળ્યો હતો. ઓલટાઈમ હાઈ ભાવ સાથે સરખાવીએ તો સોના ચાંદીમાં હાલ શું સ્થિતિ છે એ પણ જાણો.

સોના ચાંદીના લેટેસ્ટ ભાવ
IBJA શનિવારે અને રવિવારે તથા જાહેર રજાઓના દિવસોમાં નવા રેટ જાહેર કરતું નથી. આજે 2 ઓક્ટોબર ગાંધી જયંતીની રજા છે અને શનિવાર તથા રવિવારની રજા રહેશે એટલે ગુરુવાર અઠવાડિયાનો છેલ્લો કારોબારી દિવસ કહી શકાય. કારોબારી દિવસે 10 ગ્રામ 24 કેરેટ સોનું 549 રૂપિયા તૂટીને 1,48,138 રૂપિયાના સ્તરે બંધ થયું હતું. એ જ રીતે ચાંદીમાં પણ 1,125 રૂપિયાનો કડાકો નોંધાયો અને છેલ્લે ભાવ 2,20,829 રૂપિયા પર બંધ થયો હતો.

વાયદા બજારના લેટેસ્ટ ભાવ
વાયદા બજારમાં પણ અઠવાડિયાના છેલ્લા કારોબારી દિવસે સોનું 0.09 ટકા ગગડીને 1,50,250 રૂપિયાના સ્તરે બંધ થયું હતું અને ચાંદી 0.82 રૂપિયાના વધારા સાથે 2,25,545 રૂપિયાના સ્તરે બંધ થઈ હતી.  

ઓલટાઈમ હાઈથી કેટલા સસ્તા સોના-ચાંદી
આ વર્ષની શરૂઆતમાં સોનું અને ચાંદી પોતાના ઓલટાઈમ હાઈ સ્તરે પહોંચી ગયા હતા.

રિટેલ બજારના ઓલટાઈમ હાઈ ભાવ (29-1-2026)

• 24 કેરેટ સોનું - 1,76,121 રૂપિયા
• એક કિલો ચાંદી- 3,85,933 રૂપિયા

રિટેલ બજારના લેટેસ્ટ  ભાવ

• 24 કેરેટ સોનું - 1,48,138
• એક કિલો ચાંદી- 2,20,829

રિટેલ બજારમાં સોનું હજુ 27,983 રૂપિયા સસ્તું છે અને ચાંદી 1,65,104 રૂપિયા સસ્તા છે.

બીજી બાજુ શુક્રવારે વૈશ્વિક બજારની સ્થિતિ જોઈએ તો લગભગ સ્થિર જોવા મળી હતી. પરંતુ આખા અઠવાડિયાની વાત કરીએ તો તેમાં 2 ટકાનો ઘટાડો નોંધાયો હતો. મજબૂત અમેરિકી ડોલર અને અમેરિકી બોન્ડ યીલ્ડમાં તેજીના કારણે સોના પર દબાણ જોવા મળ્યું. જો કે હવે રોકાણકારોની નજર અમરિકાના રોજગાર આંકડા પર છે. આ આંકડાઓથી એ અંદાજો લગાવી શકાશે કે અમેરિકી ફેડરલ રિઝર્વ આગામી સમયમાં વ્યાજ દરોને લઈને શું વલણ અપનાવશે.