ચોરી કરવા ઘૂસ્યા ને ખુદ જ ફસાઈ ગયા: સુરતમાં ચોરોની બુદ્ધિ ભ્રષ્ટ થતા અંદરથી જ કરવી પડી 'બચાવો'ની બૂમ!

bizarre crime news : ચોરી કરવા માટે પ્લાનિંગ જોરદાર હતું...રવિવારની રજાનો દિવસ પણ પરફેક્ટ હતો, પરંતુ નસીબે એવી ગુલાંટ મારી કે ચોરો પોતે જ જેલના પાંજરાની જેમ કારખાનામાં પૂરાઈ ગયા! સુરતના ખટોદરા જીઆઈડીસી વિસ્તારમાં બમરોલી રોડ પર આવેલા એક બંધ કારખાનામાં ચોરી કરવા ઘૂસેલા બે બદમાશો માટે આખી રાત કાળ બનીને ત્રાટકી...

• સુરતમાં અજીબોગરીબ ઘટના
• ફસાયેલા ચોરોની હાસ્યાસ્પદ કહાની
• ચોરી કરવા ગયા ને ભરાઈ ગયા!

પાંડેસરાની આશાપુરી સોસાયટીમાં રહેતો 18 વર્ષીય રોશન સહાની અને તેનો સગીર સાગરીત ચોરીના ઈરાદે બંધ કારખાનામાં છાનામાના ઘૂસી તો ગયા...પરંતુ અંદર એટલું અંધારું અને માલસામાન વેરવિખેર હતો કે બંને જણા ક્યાંથી અંદર આવ્યા હતા એ રસ્તો જ ભૂલી ગયા! કલાકો સુધી દરવાજો શોધવા માટે અંધારામાં ફાંફા માર્યા, પણ બહાર નીકળવાનો કોઈ રસ્તો ન મળ્યો...

સમય વીતતો ગયો તેમ ચોરી કરવાનો ઉત્સાહ ગભરાટમાં બદલાઈ ગયો...કારખાનામાં ભૂખ્યા-તરસ્યા કેદ થઈ જવાના ડરથી બંને અધમૂઆ થઈ ગયા...આખરે કોઈ રસ્તો ન જડતા બંને ત્રીજા માળે પહોંચ્યા અને ત્યાં આવેલી બારીમાંથી નીચે ઉભેલા લોકોને જોઈને જોરજોરથી "બચાવો... બચાવો..." ની બૂમો પાડવા લાગ્યા!..

ચોરી કરવા ગયા ને ભરાઈ ગયા
ચોરોની ગણતરી પડી ઊંધી
ચોરી કરવા ઘૂસ્યા, ફસાઈ ગયા
ચોરોને જ પાડવી પડી 'બચાવો'ની બૂમ
અંદર ચોર, બહાર પોલીસ

રાતના સન્નાટામાં બંધ કારખાનામાંથી ચીસાચીસ સાંભળી રાહદારીઓ અને સ્થાનિકો એકઠા થઈ ગયા... કોઈ અઘટિત ઘટના ઘટી હોવાની શંકા સાથે તુરંત પોલીસ કંટ્રોલ રૂમમાં ફોન કરાયો. ઘટનાસ્થળે પહોંચેલી પીસીઆર વાને મામલો સમજીને તાત્કાલિક મજુરા ફાયર સ્ટેશનની ટીમને મેસેજ કર્યો...ફાયરના જવાનોએ રેસ્ક્યૂ સાધનોની મદદથી ભારે જહેમત બાદ બંનેને બારી વાટે સહીસલામત નીચે ઉતાર્યા...

બારીમાંથી નીચે પગ મૂકતા જ પોલીસે બંનેને કોર્ડન કરી લીધા

ત્રીજા માળેથી નીચે ઉતરીને બંને ચોરોએ માંડ રાહતનો શ્વાસ લીધો ત્યાં જ તેમની સામે યમરાજની જેમ ખાખી વર્દી ઉભેલી જોવા મળી...બારીમાંથી નીચે પગ મૂકતા જ પોલીસે બંનેને કોર્ડન કરી લીધા તાત્કાલિક ઝડપી પાડી ખટોદરા પોલીસને સોંપી દીધા...

 જેલના સળિયા પાછળ ધકેલી દીધા 

આ અજીબોગરીબ કિસ્સો સુરતમાં ભારે ચર્ચાનો વિષય બન્યો છે...હાલ તો ખટોદરા પોલીસે રોશન સહાની અને તેના સાથીદાર વિરુદ્ધ કાયદેસરનો ગુનો નોંધીને જેલના સળિયા પાછળ ધકેલી દીધા છે. અને તેમની પૂછપરછ શરૂ કરી છે કે તેઓ અગાઉ અન્ય કોઈ ચોરીના ગુનામાં સંડોવાયેલા છે કે કેમ? પણ આ ઘટનાએ સાબિત કરી દીધું કે જ્યારે પાપનો ઘડો ભરાય છે, ત્યારે કુદરત પણ ચોરોની બુદ્ધિ હરી લે છે!...