ઓક્ટોબરમાં શનિની ઉલ્ટી ચાલ પડશે ખુબ ભારે, આ 3 રાશિવાળા માટે અગ્નિપરીક્ષા જેવો સમય! ધૈર્યથી સમય પસાર કરવો

વક્રી અવસ્થા એટલે શું?

સામાન્ય રીતે વક્રી થવું એટલે સમજ પ્રમાણે વાંકા થવું એવું લાગે. તો શું શનિ ગ્રહ વાંકો થઈને ચાલે? એવું સમજવાની બિલકુલ ભૂલ ન કરતા. જ્યોતિષ શાસ્ત્રમાં જ્યારે કોઈ ગ્રહ વક્રી અવસ્થામાં આવે ત્યારે તેનો અર્થ એ થાય કે ગ્રહ પાછળની તરફ ચાલતો હોય. વાત જાણે એમ છે કે ગ્રહને પૃથ્વી તરફથી જોવામાં આવે ત્યારે તેની આવી ચાલ મહેસૂસ થતી હોય છે પરંતુ તે ખરેખ તો ઉલ્ટો ચાલતો હોતો નથી. પરંતુ શનિ જ્યારે વક્રી અવસ્થામાં હોય ત્યારે તેની ઉર્જા વધુ ગંભીર અને ધીમી થાય છે. આ સમય જૂના અટકેલા કામોની પતાવટ અને પોતાના કામોની સમીક્ષાનો છે. જાણો કઈ રાશિઓ પર પડી શકે છે અસર.

મકર રાશિ

મકર રાશિ એ શનિના સ્વામીત્વવાળી રાશિ છે. પરંતુ આમ છતાં ઓક્ટોબરનો વક્રી શનિ આ રાશિવાળાને પરેશાન કરી શકે છે. આર્થિક મામલે સાવધાની વર્તવી અને કોઈ પણ જૂના દેવા કે કરજ વિશે સમજી વિચારીને નિર્ણય લેવો. રોકાણ કરવામાં સાવધાની રાખવી, કોઈની વાતમાં આવવું નહીં. ઉચ્ચ અધિકારીઓની નારાજગી રહી શકે છે. મહેનત પ્રમાણે ફળ ન પણ મળી શકે જેનાથી તણાવ વધે. ખર્ચા વધવાની શક્યતા. દેવાની સ્થિતિ ન ઊભી થાય તે ધ્યાન રાખવું.

સિંહ રાશિ

સિંહ રાશિના સ્વામી સૂર્યદેવ છે. સૂર્ય અને શનિ વચ્ચે આમ તો પિતા પુત્રનો સંબંધ છે પરંતુ કટ્ટર દુશ્મનાવટ કહી શકાય. વક્રી શનિ આ સમય દરમિયાન સિંહ રાશિવાળાને પરેશાન કરી શકે છે. સ્વાસ્થ્ય પર ખાસ ધ્યાન આપવું. ઉતાવળે નિર્ણય લેવા નહીં. મહત્વના નિર્ણયો હાલ ટાળવા હિતાવહ છે. ધૈર્ય અને શાંતિ રાખવી, કૌટુંબિક વિખવાદની સ્થિતિ પેદા ન થાય તે ધ્યાન રાખવું. વાદવિવાદથી દૂર રહેવું. નોકરીમાં મુશ્કેલીઓ આવી શકે છે.

કર્ક રાશિ

કર્ક રાશિના સ્વામી એ ચંદ્રમાં છે અને શનિની અશુભ દ્રષ્ટિના કારણે કર્ક રાશિના જાતકોએ કરિયરમાં ઉતાર ચડાવનો સામનો કરવો પડી શકે છે. ધીરજથી કામ કરવું. આર્થિક મામલે કોઈ નિર્ણય ન લેવા હિતાવહ છે. ગુસ્સાથી બચવું. આત્મવિશ્વાસ ઘટતો હોય તેવું જણાય. કોઈની નારાજગીનો સામનો કરવો પડી શકે.

વક્રી શનિની અસર ઘટાડવા શું કરવું જોઈએ

મંગળવાર અને શનિવારે હનુમાન ચાલીસાના પાઠ કરવા જોઈએ. રોજ કે પછી શનિવારે ૐ શં શનૈશ્ચરાય નમઃ મંત્રનો જાપ કરવો જોઈએ. એવી માન્યતા છે કે તેનાથી શનિદેવ પ્રસન્ન રહે છે. શનિવારે કાળા તલ, અડદની દાળ, સરસવનું તેલ કે કાળા વસ્ત્રોનું દાન કરવું જોઈએ. (Disclaimer: અહીં અપાયેલી માહિતી જ્યોતિષ માન્યતાઓ તથા ગ્રહ ગોચરની વ્યાખ્યાઓ, સામાન્ય માન્યતાઓ અને જાણકારીઓ પર આધારિત છે, Z 24 કલાક તેની પુષ્ટિ કરતું નથી.)